Mariologia

Hanc nostram aetatem fore aetatem Mariae, sancti quidam viri haud semel praedixerunt. Iuxta B. Grignion de Montfort, Deusvult, novissimis hisce temporibus, magis magisque revelare et patefacere Mariam, princeps manuum suarum opus, cum de ultimis dirisque diaboli persecutionibus, quae quotidie usque ad Antichristi regnum crescere debent, intelligi debeat illa prophetia simul et maledictio Dei:«Inimicitias ponam inter te et mulierem, et semen tuum et semen illius: ipsa conteret caput tuum, et tu insidiaberis calcaneo eius». Et Ven. P. Chaminade, Societatis Mariae (Marianistae) fundator, Sive suis discipulis sive Summo Pontifici Gregorio XVI aperte praedixerat aetatem nostram fore aetatem Mariae, et Mariae triumphum ipsius Christi Ecclesiaeque triumphum allaturum esse.